عادات وتقاليد الصعيد فى الجواز .
- الخطوبة .
- الشقة .
- العفش .
- الفرح .
عادات وتقاليد الصعيد فى الجواز . كل دولة لها عادات وتقاليد خاصه بها فى مراسم وعداتهم وتقليدهم الخاصة بهم فى الزواج . مثلا الزواج فى مصر غير الزواج فى تونس او المغرب . وايضا هناك اختلاف فى مراسم وعادات وتقاليد الزواج فى كل منطقة يختلف الزواج فى الصعيد عن الزواح فى القاهره . اليوم سوف اتكلم عن الزواج فى الصعيد وخاص فى المنيا
. نتكلم عن كل تفاصيل الزواج .
طبعا كل شخص بيتزوج حد من توبه بمعنى اللى قده مديا وعائليا .
الخطوبة
فترة الخطوبة هي فتره مهمة وجميلة من بيمر بيها قبل الدخول فى الحياه الزوجية .
وهى المفروض فتره تعارف بين الطرفين . الشب الصعيد بعد ما يختار بنت الحلال اللى كتبهاله الله سبحانه وتعالى .
لو معاه دبلوم محتاج من ٣٠ الى ٦٠ الف دهب على حسب اهل العروسة وتسهيلهم الجواز وعدم وجود النعره الكدابة .
ولو معاك مؤهل عالى محتاج من ٥٠ الف وطالع مثلا ٨٠ او ٩٠ وفيه ناس تقول ١٠٠ جرام . ده الدهب .
باقى كمان هتجيب طقم او ٢ للعروسه على زوقك .
زائد موبيل جديد للعروسة .
وكمان واجب بيروح من اهل العريس لاهل العروسة .
بيخبزو وكده وضيف ليهم تكاليف الخطوبة .
الشقة
المكان اللى هتتجوز فيه . عندنا فى الصعيد مش زى القاهره
القاهره بتوع القاهره بيتأجر شقه ويعيش فيها وبيكون كل طموحه انه ياخد شقه تمليك .
لا احنا ابشن الشقه ده فى الصعيد قبل الجواز
اغلب شباب الصعيد بيعمل شقته بنأ وتشطيب فى بيت والده او لو عندهم ارض بيعمل بيت لوحده .
يعنى تكاليف شقه .
زى ما كل واحد يحسب بقى الرقم اللى تتكلفه الشقه انت وخيالك بقى . بنا وصبه ومحاره وابواب وكهربا وسباكه ونقاشه .
العفش
اغلب الناس هنا بيعملو ٣ اوضه وليكن ( نوم - انتريه - واطفال ) يعنى من ٣٠ الى ٤٠ الف فى الرنج ده . طبعا انا بقول الارقام المتوسطة او الاغلبيه . فيه ناس بتجيب اكتر وناس بتجيب اقل . كل واحد ومقدرتة .
الفرح
اولا فيه فلوس بتتدفع اسمها الكسوه والخبيز يعنى من ١٥ ل ٢٠ ده الرائج .
الكسوه دى عشان العروسه تجيب لبس يكفيها كام سنه .
والخبيز ده بيعملو بسكوت وعيش وحلويات .
نيجى لحاجه كمان
كتب الكتاب
مصاريف كتب الكتاب على حسب الموخر
الفرح
نظام الافراح فى الصعيد ليلة حنه وليلة الفرح
اغلب الناس فى الصعيد بتدبح عند العريس
وبيعمل غدا
وكمان بيبعت للعروسه من اللحمه دى . عشان لو عندهم ضيوف وفرح وكده . وافراحنا حلوه .
الله يكون فى عون اللى عايز يتجوز .
وربنا يهدى الناس اللى بتغلى فى المهور .
بكده اكون تقريبا قلتلكم كل حاجه عن الجواز عندنا فى الصعيد . ممكن تسيب رايك فى التعليقات . هكون سعيد بتفاعلكم .
واتمنى يكون الموضوع عجبكم .
0 التعليقات:
إرسال تعليق