................. المزاكره ...............
المزاكره موضوع يهم ناس كتير . ودى مرحله بيمر بيها تقريبا كل الناس . التعليم فتره وبتعدى فى عمرك . ومش طول حياتك هتزاكر . بس لو سالت اغلب الطلبه دلوقت هيقلولك امتى اخلص تعليم واخلص من موضوع المزاكره ده والزن فى البيت ومش عارف اخد حريتى ولا اعمل حاجه . يعنى مخنوقين من الموضوع اوى .
بص بقى لعلمك كلنا كنا كده بس بعد ما خلصنا شفنا حجات كتير مكناش شيفنها . اسمع كلام اللى اكبر منك قبل ما تعدى المرحله دى وتندم عليها . اعمل اللى عليك .
دلوقت هقلك على طريقه مزاكره كويسه هتريحك . وتخليك تحب المزاكره .
بس كلامى ده للناس اللى فى كليات النظريه زى اداب وتربيه ودار علوم اى كليه نظريه . انا عن نفسى كنت اداب فلسفه . يعنى كام كتير اوى ورغى وكنت اول سنه انتساب وحولت انتظام من اول سنه . وطلعت بتقدير كويس .
طبعا اغلب الناس مش بتزاكر غير قبل الامتحان بكام ااسبوع الا الجماعه بتوع سنه اولى دول بيبقو خايفين وفاكرين نفسهم فى الثانويه العامه لسه .
بص يا برنس اول حاجه هتزاكر بدرى شويه قبل الامتحانات بشهر شهر ونص عشان تلم حالك كويس . طبعا كل كتاب هتلقيه 200 او 300 او 400 ورقه واكتر ناس بتكون بتاعه حقوق . لما تستلم الكتب كده . هتمسك الكتاب فى الروقان مش وسط الظيطه ولا اغنى ولا قدام التلفزيون عشان متدحكش على نفسك . لو زكرت ساعتين بدماغ صافيه احسن من اسبوع وانت مشتت . يعنى كانك بتقرا كتاب بنفس مفتوحه . مش وانت متكدر
وتمسك قلم وتقرا الصفحه واللى تفهمه منها تكتبه باسلوبك فوق فى الهامس سطرين 3 فى كل صفحه من فوق او من تحت فى الهامش اللى هيه الحته الفاضيه اللى فى الصفحه
على كده شوف تقدر تعمل كده فى كام ورقه فى ساعتين مثلا .
حط فى دماغك مثلا عايز اخلص فصلين من الكتاب . متخفش وتقول ممكن ازاكر ويتحزف . اغلب الدكاتره بتدى المحاضرات بتاعه اول فصول . ولو حزف بيحزف اخر فصول . بعد ما تخلص الفصلين دول . جرب كده واقرا الكلام اللى انت كاتبه من فوق فى الهامش كده هتلاقى نفسك لخصت الفصل كله فى كام صفحه لو هتكتبهم بعيد .
تعمل كده فى كل المواد دى اول مرحله .
لما ينزل جدول الامتحانات اقلب جدول الامتحانات اول ماده خليها اخر ماده وادى كل ماده كام يوم مثلا 4 او 5 ايام على حسب الماده والدكتور بتاعها . فيه دكاتره كتير بتحزف فصول وهتريحك منها . تجمع الباقى وتركز عليه كويس . ولما تيجى تزاكر فكك من موضوع المزكرات اللى فى المكتبات ده بيضيع ناس كتير . اهم حاجه كتابك .
اول حاجه العناصر العناصر دى بتفكرك بالموضوع نفسه وكمان الدكاتره بتهتم بالعناصر اوى وهيه موفيده بالنسبالك اوى . كل موضوع تعنصره عشان تفتكره . وانت فى الامتحان تكتب العنصر بلون مختلف فى الامتحان او تحط تحته خط عشان الدكتور يشوفه . فيه دكاتره بتشوف العانصر بس ومش بيقرو الكلام اللى تحته اصلا .
تانى حاجه التنسيق خلى ورقتك رايقه ومنظمه ومسطره واكتب السوال فى ورقه الاجاابه . وحاول تكتب بخط كويس .
ثالث حاجه . واهم حاجه اكتب كتير فى الاجابه . فيه دكاتره كتير مش بيقرو بيشوفو ان الواحد كاتب كتير فى ورقه الاجابه بيديله تقدير كويس واقعد وقتك كله واكتب . واكتب رايك لو فى فلسفه دى احلا حاجه انك تكتب رايك ده احنا مبدعين فى الموضوع ده اوى . لو قدرت متخليش ورقه فاضيه يبقى تمام .
لو عملت النصائح دى ان شاء الله بدون مقاطعه هتجيب اقل شى جيد //
ونصيحه من اخ كبير خد كرسات وانت فى الكليه متقلش لما اخلص الكليه لما تخلص هتروح الجيش . او هتتجوزى . وهتكسل تعمل حاجه . خد كرسات على حسب كليتك
مثلا لو فى تجاره خد محاسبه . حاسبات ومعلومات مجالك كبير .
فيه دورات كتير اوى . فى الكمبيوتر . لو بتدرس لغات خد كورس اللغه اللى بتدرسها
ملحوظه / متغليش البنات او الحب ينسيك مصلحتك محدش هينفعك متقلش يا عم اللى اتخرجو عملو ايه اعمل اللى عليك وسيب الباقى على الله حتى لما تبص فى شهادتك تكون مرتاح نفسيا وحب بس بصدق .
واسف لو كنت طولت عليكم .
لو عنكم اى موضوع حابين انى اتكلم فيه اكتبوه فى تعليق وان شاء الله هنتكلم فيه .
يسعدنى تعليقاتكم .
مع تحيات مكساتو
